ОПИС НА ТЕКОТ НА ПРОЦЕСОТ И ПОВРЗАНИТЕ КОМПОНЕНТИ ЗА СЛЕДЕЊЕ НА УСЛУГИТЕ, МОНИТОРИНГ, ЕВАЛУАЦИЈА И ПРЕЦИЗНО УЧЕЊЕ
Од суштинско значење е да се следат и оценуваат достигнувањата на РАС (руралните советодавни услуги) за да се подобри и оптимизира придонесот на услугата во руралните средини. Како основа за структурно учење врз база на искуство, е висококвалитетното следење и евалуацијата базирана на сигурни информации за резултатите и влијанијата на услугите. Зајакнувањето на РАС е од клучен приоритет со цел да им се помогне на руралните производители да го искористат потенцијалот за иновации. Ако системот на РАС се зајакне и притоа се обезбедат услуги и совети кои ефикасно ги решаваат современите предизвици и потребите на производителите, ќе имаме повеќекратни позитивни влијанија. Оценувањето е неопходен предуслов за зајакнување на РАС и на ниво на даватели на услуги и на ниво на национално креирање политики (што доведува до системско влијание). Следењето и подобрувањето на РАС процесите вклучува идентификување, истражување и елиминирање на проблемите кои придонесуваат за неефикасноста во работењето.
Потребно е да се направи разлика помеѓу мониторинг (оценување) и евалуација (проценка): „Процесот на собирање, преглед и користење на податоци, со цел подобрување на тековните перформанси, се нарекува оценување или мониторинг. Процесот на донесување проценка што е од клучна важност и исполнување на целите се нарекува евалуација “.
Целта на методологијата за проценка на РАС е да генерира докази за информативно донесување на одлуките. Оценката (мониторингот) треба да овозможи идентификување на празнините и да обезбеди влезни точки за подобрување на услугите, како и да даде препорака за промени. Покрај тоа што може да се користи како алатка за мониторинг, а притоа проценката (евалуацијата) да биде корисна, алатката треба да се надополни со јасни и соодветни индикатори кои се прилагодливи (како што е дефинирано во О1 – поимник/речник за компетенции).
Оценувањето на капацитетот на човечките ресурси во однос на персоналот кој има вистински вештини во ваква една променлива средина, може да биде предизвик во однос на мерењата на перформансите. Во нашиот проект, планираме да го искористиме Упатството за GFRAS (The Global Forum for Rural Advisory Services), кое дава идеи за вештини потребни за извршување на задачите вклучени во модерните РАС (рурални советодавни услуги), како што се:
- Планирање и управување со ефективни РАС;
- Советување и ефективно комуницирање со земјоделците;
- Поттикнување на јакнењето на земјоделците и организацискиот развој; и
- Преземање на нови знаења и технологии за работа на фарма.
GFRAS, исто така, спроведе сеопфатна анализа околу идентификување на капацитетите потребни за модерните РАС, користејќи ја корпоративната стратегија на ФАО за развој на капацитетите, која се базира на три нивоа:
- организациски капацитет
- индивидуален капацитет
- институционален капацитет.
Функционалните капацитети кои се потребни за успешни РАС (рурални советодавни услуги) се поделени на 3 нивоа:
- Капацитет на знаење: пристап, генерирање, управување и размена на информации и знаења (релевантни за советниците за РАС)
- Партнерски капацитет: за вклучување во мрежи, сојузи, партнерства и градење односи (релевантни за советниците за РАС)
- Капацитет за имплементација: способност да се имплементираат и испорачаат програми и проекти, од планирање до мониторинг и евалуација.
Врз основа на анализата на капацитетите потребни за ефективни РАС, постои развиен материјал за обука за овие вештини и капацитети (GFRAS, 2017). Овие материјали ќе ги проучуваме и ќе користиме соодветните делови.
Тоа е, нацрт-методологијата за проценка, креирана од страна на ФАО, која ги користи осумте параметри за мерење на квалитетот на услугите, како што се: перформанси, карактеристики, сигурност, усогласеност, долгорочност, услужливост, естетика и перципиран квалитет. „Користењето на овие за мерење ќе бара висок степен на вклученост на корисниците на услугите.“
Истотака, ќе се користи и една друга листа на карактеристики на услугите од аспект на квалитет, како што се: навременост, соодветност, лесна пристапност, релевантност, одговорност, применливост, сигурност. Во нашиот проект ќе ги испитаме главните типови на критериуми за квалитет и ќе ги избереме оние што се релевантни за обезбедување на РАС на теренско ниво.
За да се постигне фукционален систем за мониторинг, евалуација и обука, неопходно е да се претстават сите процеси на обезбедување на советодавна услуга во еден документи што го нарековме Методологии. Овие методологии се базираат на постоечки информации за компетенции, индикатори и извори на податоци, дефинирани во претходните работни чекори на проектот. Притоа овие компоненти се ставаат во перспектива на работниот процес и во една временска рамка, земајќи ги предвид сите релевантни елементи, како што се дефинирање на актерите, каналите, темата, локацијата, датумот, времето, насоката. Во нашиот проект, ние се соочуваме со предизвикот за проценка од перспектива на давателите на услуги, со цел подобро насочување на нивните напори за развој на капацитетите.
Нашата главна целна група на овој чекорО2 се давателите на руралните советодавни услуги (РАСП), меѓутоа, дизајнирањето на овие методологии ќе ги одразува и потребите на другите актери учесници, имено, советниците и нивните клиенти. Иновативните елементи на овие чекори се совпаѓаат со главниот концепт на проектот. Методологиите ќе бидат објавени во еден водич (О3). Со тоа ќе се обезбеди одредена преносливост и влијание.